|

Amisom oo la cid la’ dagaalanta Afgooyana kaabiga u saaran

Waxaa maalintiisii saddexaad galay howgalka ciidamada dowladda KMG ah iyo kuwa AMISOM ay ka wadaan duleedka Degmada Afgooye, waxaa lagu soo waramayaa in ciidamada saakay ay kaabiga ku haayaan degmada Afgooye ee gobolka Shabeelada Hoose.

Ciidamada oo sii wata howgalkooda ayaa la sheegay in ku sii siqayaan  degmada Afgooye halkaasoo la tilmaamay inay isaga baxeen ciidamada Al-shabaab.

Wararka ayaa tilmaamaya inaanay jirin wax iska caabin ah o o ciidamada dowladda iyo kuwa AMISOM ay kala kulmeyn xoogagga Al-shabaab ee dagaalka kala soo horjeeday kuwaasoo la sheegay inay isaga baxeen degmada Afgooye ee gobolka Shabeelaha hoose.

Wararka ayaa sheegaya in kooxda Al-Shabaab xiligii ay ka baxayeen degmada Afgooye ay ooda ka qaadeen maxaabiis ku xirneyd xabsiga degmadaasi.

Saraakiisha ciidamada dowlada KMG ah ayaa wacad ku mary inaysan joojineyn dagaalka ilaa ay ka xureeyaan gobolka shabeelaha hoose kaasoo ay gacxanta ku heyso xarakada Al-shabaab.


Comments are closed